Жарияланым этикасы

Journal of Secure Digital Technologies журналының редакциялық саясаты Committee on Publication Ethics (COPE) ұйымының ғылыми жарияланым этикасына қатысты халықаралық қағидаттары мен ұсынымдарына негізделеді.

Авторлардың міндеттері

Қолжазбаны журналға ұсыну арқылы авторлар «Цифрлық үкіметті қолдау орталығы» шаруашылық жүргізу құқығындағы республикалық мемлекеттік кәсіпорнына мақаланы журналда жариялау және оны кез келген шет тілінде қайта жариялау құқығын береді.

Қолжазбаны ұсына отырып, автор(лар):

  • авторлық құқықтардың сақталуына кепілдік береді және қолжазба үшінші тұлғалардың құқықтарын бұзбайтынын растайды;
  • баспагерге туындыны шектеусіз мерзімге көбейтуге, таратуға, сақтауға және көпшілікке қолжетімді етуге айрықша құқық береді, авторлығы міндетті түрде көрсетіледі;
  • мақаланың метадеректерін (атауы, авторлар туралы мәліметтер, аңдатпа, әдебиеттер тізімі және толық мәтін) ғылыми дерекқорларда, репозиторийлерде және ақпараттық жүйелерде өңдеуге, таратуға және индекстеуге келісім береді;
  • жариялау мақсатында өзінің дербес деректерін (аты-жөні, білімі, жұмыс орны және лауазымы) сақтауға және өңдеуге келісім береді;
  • Қазақстан Республикасының заңнамасына сәйкес авторлық құқық пен зияткерлік меншік объектілерін заңды пайдалануға толық жауапкершілік алады;
  • қолжазбаны плагиатқа және әдепсіз мәтіндік ұқсастықтарға тексеруге келісім береді;
  • мақаланың бұрын жарияланбағанын, басқа журналда қаралмай жатқанын және бір мезгілде басқа басылымға ұсынылмайтынын растайды;
  • журналдың редакциялық саясатымен, қолжазбаларды рәсімдеу талаптарымен, жарияланым этикасымен және рецензиялау тәртібімен танысқанын растайды.

Мақалаларға қойылатын талаптар

Ұсынылған мақала:

  • журналдың техникалық және рәсімдеу талаптарына сәйкес болуы тиіс;
  • бұрын жарияланбаған және басқа журналда қаралмауы тиіс;
  • авторлардың өзіндік ғылыми зерттеуінің түпнұсқа нәтижелерін қамтуы тиіс;
  • ғылыми үлес қосқан тұлғаларды ғана авторлар қатарына енгізуі тиіс;
  • зерттеуде нақты пайдаланылған, мүмкіндігінше рецензияланатын ғылыми дереккөздерге негізделуі тиіс;
  • пайдаланылған барлық дереккөздерге, оның ішінде авторлардың өз еңбектеріне дұрыс библиографиялық сілтемелерді қамтуы тиіс.

Рецензенттердің міндеттері

Журнал ғылыми жарияланымдардың сапасын қамтамасыз ету мақсатында қос соқыр рецензиялау (double-blind peer review) рәсімін қолданады.

Рецензент:

  • қолжазбаның құпиялығын сақтауға;
  • жарияланбаған материалдарды жеке пайдасына пайдаланбауға;
  • бас редактордың рұқсатынсыз материалдарды үшінші тұлғаларға бермеуге;
  • мақалаға объективті, дәлелді және сындарлы ғылыми баға беруге, қажет болған жағдайда оны жетілдіру бойынша ұсыныстар енгізуге;
  • ғылыми құзыреті жеткіліксіз болған немесе мүдделер қақтығысы болған жағдайда рецензиялаудан бас тартуға міндетті.

Редакторлардың міндеттері

Бас редактор мен редакциялық алқа мүшелері:

  • жарияланатын мақалалардың жоғары ғылыми деңгейін қамтамасыз етуге;
  • редакциялық алқа жұмысына белсенді қатысуға және қолжазбалар бойынша негізделген пікір білдіруге;
  • авторлардың географиялық және академиялық әртүрлілігін кеңейтуге;
  • мақалаларды авторлардың жынысына, ұлтына, дініне, ұйымына немесе өзге де жеке ерекшеліктеріне қарамастан тек ғылыми мазмұны бойынша бағалауға;
  • мүдделер қақтығысы болған жағдайда қолжазбаны қарамауға міндеттенеді.

Бас редактор (немесе ол болмаған жағдайда бас редактордың орынбасары):

  • бастапқы техникалық іріктеуден өткен барлық қолжазбаларға рецензенттерді тағайындайды;
  • рецензиялардың қорытындылары мен редакциялық алқаның ұсынымдары негізінде жариялау туралы соңғы шешімді қабылдайды.

Редакцияның саясаты

Редакция авторлармен тікелей жұмыс істейді және мақалаларды дайындаумен немесе жариялаумен айналысатын агенттіктермен, делдалдармен немесе коммерциялық ұйымдармен ынтымақтастық жасамайды.

Редакция ғылыми және жарияланым этикасын бұзу жағдайлары анықталған кезде жедел шаралар қабылдайды, соның ішінде:

  • деректерді бұрмалау немесе қолдан жасау;
  • жалған ғылыми материалдар;
  • зерттеу нәтижелерін ойдан шығару;
  • дәйексөздерді әдейі манипуляциялау;
  • плагиат;
  • бір мақаланы бірнеше журналға қатар ұсыну.

Егер этикалық бұзушылық рецензиялау барысында анықталса, мақала қараудан алынады.

Егер бұзушылық жарияланғаннан кейін анықталса, мақалаға түзету енгізілуі немесе ол COPE ұсынымдарына сәйкес кері қайтарылуы (ретракциялануы) мүмкін.

Бас редактор, редакциялық алқа мүшелері және рецензенттер журналда мақала жариялай алады, бірақ олардың қолжазбалары басқа авторлардың мақалалары сияқты тәуелсіз қос соқыр рецензиялаудан өтеді.

Егер жарияланған материалдарда техникалық немесе редакциялық қателер анықталса, редакция журналдың келесі санында тиісті түзетулерді (erratum немесе corrigendum) жариялайды.